Ný þýðing Arndísar Lóu Magnúsdóttur.

„Maður sér ekki skýrt nema með hjartanu. Það mikilvægasta er ósýnilegt augunum.“

Litli prinsinn er sígild og ástsæl saga um flugmann sem brotlendir í eyðimörk og hittir þar lítinn prins frá ókunnugri plánetu. Prinsinn segir honum frá ferð sinni um alheiminn, öllum sem hann hefur hitt og öllu því sem hann hefur lært um lífið.

Litli prinsinn er ein vinsælasta bók í heimi. Hún hefur komið út á yfir 250 tungumálum og selst í meira en 200 milljónum eintaka. Þessi ljóðræna og heimspekilega saga, um einmanaleika, ástina, lífið og dauðann, er ógleymanleg lestrarupplifun fyrir bæði börn og fullorðna.

Antoine de Saint-Exupéry (1900–1944) var rithöfundur og flugmaður. Hans þekktasta verk er Litli prinsinn sem kom fyrst út árið 1943. Antoine de Saint-Exupéry hvarf sporlaust ári síðar í síðustu flugferð sinni yfir hernumdu Frakklandi.