Lokasagan í metsöluþríleik norsku skáldkonunnar Anne B. Ragde er komin út.

Sagan hófst með Berlínaröspunum en síðan kárnaði gamanið í bókinni Kuðungakrabbarnir.

Lokasagan ber heitið Á grænum grundum en þar kemur loks í ljós hvað verður um sundurleitu fjölskylduna á Neshov-býlinu.

Hér er á ferðinni dásamlega klikkuð fjölskyldusaga um alvöru fólk, ljúfsár og fyndin í senn enda er höfundinum ekkert mannlegt óviðkomandi.

Anne B. Ragde er margfaldur metsöluhöfundur en bækur hennar njóta vinsælda um allan heim. Hún hefur þegar selt yfir milljón bækur í heimalandi sínu en þar er einnig búið að gera sjónvarpsþáttaröð byggða á þríleiknum vinsæla.

Þýðandi bókanna er Pétur Ástvaldsson.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Margrét Örnólfsdóttir les.

„Þetta er stórkostleg bók, fullkominn ánægjulestur.“
Nationen

„… mjög aðgengilegar sögur… spennandi söguþráður …
fjalla um sammannleg efni sem fólk tengir mjög vel við.“
PBB/Kiljan