Þegar Alan var ungur drengur heillaðist hann af vísindum og hvernig þau birtast í hinu daglega lífi. Í skólanum tók hann til við að gera sínar eigin efnafræðitilraunir og þegar hann var kominn í háskóla uppgötvaði hann leiðir til þess að breyta heiminum með vélum sem gátu unnið hraðar en mannshugurinn. Þetta er saga hins magnaða stærðfræðings, dulmálssérfræðings og vísindamanns sem bjargaði milljónum mannslífa með þekkingu sinni og eldmóði.