Lögreglan í Árósum stendur ráðalaus frammi fyrir tveimur íkveikjum og grimmilegu morði á konu.

Líkið finnst skammt frá heimili dönsku blaðakonunnar Dicte. Áður en hún veit af er hún komin á kaf í rannsókn málsins.

Stuttu síðar er önnur kona myrt með sama hætti. Gömul fjölskylduleyndamál afvegaleiða rannsóknina — og það er fyrst þegar morðinginn fær augastað á Dicte sjálfri sem málin fara smám saman að skýrast.