Ég & þú er þriðja bók Jónínu Leósdóttur um unglingsstúlkuna Önnu og fyrstu kynni hennar af ástinni. Hinar fyrri, Kossar & ólífur og Svart & hvítt, hafa notið fádæma vinsælda hjá lesendum og fengið afar góða dóma gagnrýnenda. Jónína hlaut Vorvinda-viðurkenningu IBBY-samtakanna fyrir fyrri bækurnar tvær.

Kata er friðlaus af söknuði eftir kærastanum í Brighton og talar um fátt annað en hann. Anna er fámálli um sínar tilfinningar og enginn veit að einnig hún skildi hjarta sitt eftir á Englandi. Annar menntaskólaveturinn er rétt að byrja og vinkonurnar órar ekki fyrir þeim sviptingum sem hann hefur í för með sér.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 5 klukkustundir og 24 mínútur að lengd. Katla Njálsdóttir les.