Heilræði lásasmiðsins eftir Elísabetu Jökulsdóttur er einlæg, bersögul og nærgöngul frásögn af sambandi tveggja ólíkra einstaklinga sem mætast og ná saman um stund en hljóta svo að skilja. Sagan er rituð af stílsnilld og frásagnargleði – og brennandi ást.

„Svo elskuðumst við í garðinum. Einu sinni og aftur. Það var einsog galdrabæn.“

Elísabet og Algea kynntust þegar hún var á ferðalagi í New York. Hann bandarískur, hún íslensk; hann svartur, hún hvít; hann hattagerðarmaður og trommuleikari, hún skáld; hann stórborgarbúi, hún náttúrubarn. Þau eru ástfangin og eiga saman unaðsstundir; hann fylgir henni til Íslands og þau reyna að búa saman en bæði eiga erfitt með að skilja á milli ímyndunar og veruleika og það er margt sem truflar.

Ekki síst það að ástin opnar aðgang að afkimum sálarlífsins sem lengi hafa verið harðlæstir – og lásasmiðurinn þarf að láta til sín taka.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 5 klukkustundir og 53 mínútur að lengd. Margrét Örnólfsdóttir les.