Ljóðaúrval Stefáns frá Hvítadal er nú hefur verið gefið út nefnist Allir dagar eiga kvöld. Ljóð þessa ástsæla skálds hafa ekki verið aðgengileg á bókaformi í rúma hálfa öld. Árið 1945 kom heildarútgáfa ljóða hans síðast út og því er löngu kominn tími á útgáfu þessa. Ljóð Stefáns Sigurðssonar frá Hvítadal sannlega lifa og gott ef þau ná ekki enn betur til lesandans í dag. Meðal þekktra ljóða Stefáns má nefna Erla, Vorsól, Jól og Farandskáld.

Í bókinni er að finna úrval ljóða skáldsins alls 35 talsins. Allir dagar eiga kvöld er ríkulega myndskreytt. Myndskreytar bókarinnar eru allt konur og stúlkur á breiðum aldri. Ekki nóg með það heldur eru þær allar úr sama ranni. Móðir, dætur og barnabörn. Sú elsta fædd 1971 og sú yngsta fædd 2012.