Jólaskellur skunda af stað.  Flott og skemmtilegt bókahefti með vísum um jólaskellurnar, systur jólasveinanna. Þær búa í fjöllunum hjá Grýlu og Leppalúða og  bræðrum sínum, jólasveinunum. En þær Flotsokka, Taska og Leppatuska eru búnar að fá leið á því að híma heima í helli og koma skellandi kátar til byggða í desember!

Þá er eins gott að vara sig, því þær eru uppátækjasamar  og háværar, ákaflega sérvitrar… en líka ógurlega skemmtilegar.

Þær mæta í Þjóðminjasafnið með Grýlu og Leppalúða. Þann 1. desember klukkan 14:00, og svo koma þær í heimsókn ein í einu. Flotsokka kemur 15. desember með Þvörusleiki. Leppatuska ætlar að koma með Gluggagægi 21.  desember. Svo koma Taska og Gáttaþefur saman þann 22. desember.

Höfundur ljóða er Sigurlín Hermannsdóttir.

Höfundur myndefnis er Blær Guðmundsdóttir.