Regnvott síðdegi skýst drengur frá móður sinni og út á götu – beint í veg fyrir bíl. Örvæntingarfull móðirin horfir á bílinn bruna burt …

Eftir dauðaslysið og endurtekna martröðina sem fylgir henni hvert fótmál flýr Jenna Gray í afskekkt þorp í Wales. Þar reynir hún að koma lífi sínu á réttan kjöl en yfir henni grúfir óttinn og sorgin, minningar um það sem gerðist þetta nóvembersíðdegi – og það sem gerst hafði áður.

Mín sök er fyrsta bók Clare Mackintosh sem starfaði í bresku lögreglunni í tólf ár og nýtir sér hér reynslu sína af rannsókn glæpamála. Bókin hefur selst í milljónum eintaka víða um heim og fyrir hana hlaut höfundurinn Theakstons Old Peculier Crime Novel-verðlaunin 2016 auk þess sem franska þýðingin vann til verðlauna í Frakklandi.

Eyrún Edda Hjörleifsdóttir þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 13 klukkustundir og 13 mínútur að lengd. Margrét Örnólfsdóttir les.