Nornin í Portobello er djúpsæ og frábær skáldsaga eftir metsöluhöfundinn Paulo Coelho. Áður hafa komið út á íslensku eftir Coelho Alkemistinn, Ellefu mínútur, Veronika ákveður að deyja og Hugarfjötur.

Þetta er sagan um leyndardómsfulla konu, Aþenu að nafni, sögð af þeim mörgu sem þekktu hana vel – eða lítið sem ekkert:

“Menn móta sinn eigin veruleika og verða síðan fórnarlömb þess sama veruleika. Aþena reis gegn þessu – og galt það dýru verði.” – Heron Ryan, blaðamaður

“Aþena notaði mig og ráðskaðist með mig án nokkurs tillits til tilfinninga minna. Hún var kennari minn og hafði það hlutverk að kenna mér um hina helgu leyndardóma, að vekja í mér þann óþekkta mátt sem við búum öll yfir. Þegar við hættum okkur út á það framandi úthaf treystum við í blindni á þá sem leiða okkur og trúum því að þeir viti meira en við.” – Andrea McCain, leikkona

“Helsti vandi Aþenu var sá að hún var kona tuttugustu og annarrar aldar en lifði á þeirri tuttugustu og fyrstu og fór heldur ekki dult með það. Galt hún fyrir það? Það fer ekki á milli mála. En hún hefði goldið jafnvel enn meira fyrir það að halda aftur af orkunni og gleðinni í sjálfri sér. Hún hefði orðið bitur og ergileg, sífellt að hugsa um “hvað annað fólk gæti haldið”, alltaf að segja: “Ég ætla bara að kippa þessu í lag, síðan ætla ég að helga mig draumum mínum”, einlægt að kvarta undan því að “aðstæðurnar væru aldrei alveg réttar”.” – Deirdre O’Neil, kölluð Edda

Paulo Coelho fæddist í Brasilíu og er nú enn víðlesnasti rithöfundur í heimi. Hann er nafntogaður fyrir vinsælustu bók sína, Alkemistann. Bækur hans hafa selst í yfir 50 milljónum eintaka og verið þýddar á 56 tungumál. Hann hefur hlotið ýmsar virtar alþjóðlegar viðurkenningar, þar á meðal Crystal-verðlaun Alþjóðlegu hagfræðistofnunarinnar (World Economic Forum) og frönsku Legion d’Honneur-orðuna. Dómnefnd virtustu bókmenntaverðlauna Þýskalands, Bambiverðlaunanna, hefur nefnt hann áhrifamesta höfund samtímans.