Í bókinni tjá sig yfir 40 einstaklingar um ofbeldismenningu, samfélagið og lífið. Listaverk, teikningar, greinar, möntrur, ljósmyndir og sögur fanga orkuna sem myndast árlega í Druslugöngunni þar sem fólk sameinast í baráttunni gegn ofbeldi með valdeflingu og pönki.

Allir sem komu að bókinni gáfu vinnu sína og leitast var við að halda öllum kostnaði í lágmarki svo sem flestir eigi kost á að eignast hana. Hluti ágóðans rennur til Druslugöngunnar og áframhaldandi baráttu gegn kynferðisofbeldi.

Þessi bók er gerð til að hreyfa og til að heila. Stöðnun er dauði.