Leggðu rækt við sjálfan þig er mannbætandi bók og höfundurinn, Anna Valdimarsdóttir sálfræðingur, fellur ekki í þá gryfju að boða einfaldar skyndilausnir. Miklu fremur vekur hún athygli okkar á ögruninni sem í því felst að vera heilsteypt manneskja og lifa lífi sínu með fullri sjálfsvitund.

Leggðu rækt við sjálfan þig kom fyrst út 1999. Bókin vakti mikla athygli og varð metsölubók.

Anna Valdimarsdóttir er fædd árið 1948. Hún er sjálfstætt starfandi sálfræðingur í Reykjavík frá árinu 1982 og hefur haldið fjölda námskeiða í sjálfsstyrkingu fyrir konur og faghópa. Anna hefur ritað greinar í blöð og tímarit og haldið fyrirlestra um sálfræðileg efni bæði hér á landi og erlendis.