Flokkar:

Höfundur: Rán Flygenring

Gegn gjafabréfi þessu fæst bókin dásamlega Tjörnin eftir Rán Flygenring þegar ný prentun kemur í verslunina í byrjun árs 2025.

Bókin, sem er tilnefnd bæði til Íslensku bókmenntaverðlaunanna og Fjöruverðlaunanna er uppseld um allt land en tryggja má eintak af nýrri prentun með þessu gjafabréfi.

Þegar Fífa og Spói rekast á ókunna dæld í miðjum garðinum sínum breytist allt. Hélukeppir og gljáfætlur, óstýrilát selshamsstytta, dularfullt draugabarn og bíræfnir nágrannar eru bara brot af þeim undrum sem koma upp úr kafinu þegar vinirnir munda skóflurnar. Hyldjúp og töfrandi saga fyrir náttúrubörn á öllum aldri.

Garðurinn okkar er mjög venjulegur garður. Við þekkjum hann eins og lófann á okkur! Eða það héldum við … allt þar til við rákumst á hana. Dældina.

Hyldjúp og töfrandi saga um forvitni og framhleypni, stjórn og stjórnleysi, en ekki síst um samband okkar við eigin tegund og allar hinar sem við deilum nærumhverfinu með. Bók fyrir náttúrubörn á öllum aldri.

Rán Flygenring er margverðlaunaður höfundur og teiknari. Hún hefur margsinnis hlotið Barnabókaverðlaun Reykjavíkurborgar og árið 2023 fékk hún Norðurlandaráðsverðlaunin fyrir bókina Eldgos.