Geitungurinn 1 er fyrsta hefti verkefnabóka handa börnum sem farin eru að sýna áhuga á stöfum og tölum. Í heftinu eru fjölbreytileg verkefni sem miðla börnum tölum og stöfum og bjóða upp á margháttaða en skemmtilega glímu við efnið.

Heftið er samið með það fyrir augum að það veiti góðan undirbúning fyrir lestrarnám og kveiki áhuga barna á lestri. Haft var að leiðarljósi við samningu heftisins að foreldri eða kennari og barn geti átt skemmtilega stund saman yfir því og fái um margt að spjalla.