Zipplínu ævintýri í Vík er frábær skemmtun fyrir alla þá sem elska smá spennu og vilja ögra sjálfu sér á öruggan hátt. Upplifunin samanstendur af gönguferð í gegnum Grafargil með skemmtilegum sögustoppum og fjórum zipplínum; 120, 240, 30 og 140 metra löngum. Á þeim er svifið yfir stórbrotið landslag gilsins fyrir neðan.

Í UPPHAFI

Rétt norðan við bæinn Vík í Mýrdal er lítið gil umvafið stórbrotnum fjöllum og jöklum, Grafargil. Í gilinu er merkt gönguleið og á nokkrum stöðum á leiðinni höfum við strengt zipplínur yfir gilið. Við hittumst í bækistöð okkar, Víkurbraut 5 og græjum alla í viðeigandi öryggisbúnað. Þaðan er ca. 5 mín. akstur að upphafsstað göngunnar. Þegar úr bílnum er komið tekur við ganga að fyrstu línunni. Þar förum við yfir allar öryggisleiðbeiningar og sýnum ykkur hvernig hægt er að zippa örugglega yfir á þæginlegan hátt, einn yfir í einu. Það næsta sem þú veist er að þú ert á æsispennandi ferð yfir gilinu, mundu eftir að opna augun, því útsýnið er stórfenglegt.

 MIÐJAN

Önnur línan okkar, byrjar nánast þar sem sú fyrsta endar. Þessi lína er lengst, 240 metrar og mörgum finnst hún fegurst. Þegar allir hafa zippað örugglega yfir þessa línu er kominn tími fyrir smá gönguferð, hún er ekki löng, ca. 10 mín. og liggur í gegnum stórbrotið landslags Grafargils að næstu línu. Trúarstökkið (Leap of faith) er stysta línan okkar og hér förum við yfir gilið á annan hátt en við gerðum áður. Af þessu segjum við ekki meir af því að þessum hluta viljum við halda leyndum þar til reynir á.

 AÐ LOKUM

Í lokin zippum við yfir síðustu línuna okkar sem liggur yfir foss að nafni Hundafoss og ef veðrið er gott gæti verið að leiðsögumennirnir okkar bæti við smá rúsínu í pylsuendann áður en haldið er aftur heim á leið.